U-23 Осиё кубоги. Ўзбекистон финал учун Саудиядан реванш олди, Олимпиада учун навбатдаги дадил қадам ташланди!

23 ёшгача бўлган футболчилар ўртасидаги Осиё кубоги чорак финал босқичи доирасида Ўзбекистон олимпия терма жамоаси Саудия Арабистонига қарши баҳс олиб борди. Унда ҳамюртларимиз 2:0 ҳисобидаги ишончли ғалабани қўлга киритди.

Биринчи голни Ҳусаин Норчаев киритган бўлса, иккинчи голга Умарали Раҳмоналиев муаллифлик қилди. Шунингдек, 70-дақиқада рақиблар аъзоси Айман Яҳё иккинчи сариқ карточкасини олиб, майдондан четлатилди.

Шу тариқа, Тимур Кападзе шогирдлари ярим финалга йўл олди. Мазкур босқичда рақибимиз Индонезия термаси бўлади.