U-23 Осиё кубоги. Ўзбекистон дастлабки турда ғалаба қозониб, гуруҳ пешқадамига айланди

Саудия Арабистони мезбонлик қилаётган 23 ёшгача бўлган футболчилар ўртасидаги Осиё кубогининг гуруҳ босқичи учрашувлари давом этмоқда. "С" гуруҳдан ўрин олган Ўзбекистон терма жамоаси биринчи турда Ливанни 3:2 ҳисобида мағлуб этди.

Учрашувнинг 24-дақиқасида Амирбек Саидов ҳисобни очди. Иккинчи таймнинг дастлабки дақиқаларида эса Равшан Хайруллаев орадаги фарқни иккига оширди. 57-дақиқада эса Сардор Баҳромов чиройли гол киритиб, ҳисобни йирик 3:0 кўринишига келтирди. Аммо Ливан футболчиси Шахин Леонардо Фара ҳам ўз ҳисобига гол ёзиб, ҳисобни қисқартирди. Ҳакам томонидан асосий вақтга қўшиб берилган дақиқаларда Шахин яна дарвозамизни ишғол қилиб, дублни расмийлаштирди —3:2.

Шу тариқа, Равшан Ҳайдаров шогирдлари 3 очко билан турнир жадвалида пешқадамлик қилмоқда. Гуруҳнинг иккинчи учрашуви Жанубий Корея ва Эрон ўртасида бўлиб ўтди ва ушбу баҳсда ҳисоб очилмади.