Тухель "Реал" тарбияланувчисига имкон бериши мумкин

"Пари Сен-Жермен" клуби бош мураббийи Томас Тухель испаниялик ҳужумчи Хесе Родригесни яна асосий жамоага қайтармоқчи.

Marca нашри тарқатган хабарга кўра, немис мутахассиси жамоада коронавирус тарқалиши муносабати билан шундай қарор қабул қилиши мумкин. Ҳозир ПСЖ сафида Неймар, Анхель Ди Мария, Леандро Паредес, Маркиньос, Мауро Икарди, Кейлор Навас ва Киллиан Мбаппеда Covid-19 аниқланган.

27 ёшли Хесе асли "Реал" тарбияланувчиси ҳисобланади. У ПСЖ сафида 2016 йилдан буён тўп суриб келмоқда. Парижликлар ўтган 4 йил мобайнида уни "Лас-Пальмас", "Сток Сити", "Бетис" ва "Спортинг" каби жамоаларга ижарага бериб юборишди.