Туркиянинг Анталия шаҳри мезбонлик қилаётган халқаро теннис турнирида ҳамюртимиз Сергей Фомин яккалик баҳсларида ҳам чемпионга айланди.
Мамлакатимизнинг иккинчи рақамли теннисчиси яккалик беллашувларининг финалида руминиялик Габриэл Гетуга қарши кортга чиқди ва 6:7, 6:4, 6:1 ҳисобида рақибини таслим қилди. Натижада теннисчимиз ташкилотчилар томонидан 2160 АҚШ доллари пул мукофоти ва 15 рейтинг очкосини қўлга киритди.
Маълумот ўрнида: С.Фомин нейтрал теннисчи Даниил Голубев билан тандемда жуфтлик баҳсларида ҳам бош совринга эга чиққан эди.
Жорий ҳафта давомида Сергей Фомин айнан Анталия шаҳрида давом этадиган M25 таснифига кирувчи халқаро турнирда иштирок этади. Унинг илк рақиби германиялик Том Генч бўлади.
Изоҳлар (0)
Ҳозирча изоҳлар йўқ