Туркия Суперлигаси. Собиқ совет мамлакатлари футболчилари ичида энг қиммат футболчилар рейтинги. Шукуров иккинчи, Алиқулов эса... (фото)

Таниқли "Transfermarkt" портали Туркия Суперлигасида ҳаракат қилаётган энг қиммат собиқ совет мамлакатлари футболчилари рўйхатини эълон қилди. 

Унга кўра, биринчи поғонадан қозоғистонлик Бахтиёр Зайнутдинов жой олди. Унинг нархи 6,5 миллион еврога баҳоланган. 

Иккинчи ўрин ҳамюртимиз Отабек Шукуровга насиб этди. Унинг нархи 2,5 миллион еврога тенг. Кучли учликка трансфер қиймати 1,6 миллион еврога баҳоланган Озарбайжон вакили Ренат Дадашов якун ясаб берди. 

Яна бир юртдошимиз Ҳусниддин Алиқуловни тўртинчи ўринда кўришимиз мумкин. Унинг трансфер нархини "Transfermarkt" портали 1,2 миллион еврога баҳолаган.