Туркия Суперлигаси. "Истанбул Башакшеҳир" йирик ғалабани қўлга киритди. Элдор Шомуродовдан дубль

Туркия Суперлигасининг 29-турида Нури Шахин бошчилигидаги "Истанбул Башакшеҳир" ўз майдонида "Генчлербирлиги"ни қабул қилиб, йирик 3:0 ҳисобида мағлубиятга учратди. 
 
Ўзбекистон миллий терма жамоамиз сардори Элдор Шомуродов ушбу учрашувни асосий таркибда бошлаб, 82 дақиқа ҳаракат қилди ва икки голни ўз ҳисобига ёздириб қўйди. 
 
Дастлаб, ҳамюртимиз 10-дақиқада ҳисобни очишга эришди. 40-дақиқага келиб эса вакилимиз дублни расмийлаштирди ва чемпионатдаги голлари сонини 18 тага етказиб олди. Орадан икки дақиқа ўтиб, жамоанинг бошқа бир ҳужумчиси Бергут Йилдирим учинчи голга муаллифлик қилди.