ЦСКА собиқ футболчиси Файзуллаев ҳақида: "Хориж клублари ёмон футболчи ортидан қувмайди"

Москванинг ЦСКА клуби собиқ футболчиси Александр Гришин Аббосбек Файзуллаевнинг клубни тарк этиши мумкинлиги ҳақида гапирди. Аввалроқ, Файзуллаев фаолиятини Туркиянинг "Истанбул Башакшеҳир" клубида давом эттириши ҳақида хабар берилганди.

"Энди нима қилишни фақат ЦСКА ва Файзуллаев ҳал қилиши керак - биз барча нозик жиҳатларни билмаймиз. Аббос - яхши футболчи, бунга ҳеч ким эътироз билдирмайди. Ўтган йили у ажойиб мавсумни намойиш этди. Ўтган мавсумда эса у кўпроқ захирада қолди, бунга сабаб жамоа схемаси ўзгарди. Аммо ёмон футболчилар ортидан хориж клублари қувмайди. ЦСКА учун бу супер, клуб Аббос трансферидан кўп пул ишлайди", - деди Гришин "Чемпионат" мухбири Владислав Круглов билан суҳбатда.