ЦСКА футболчиси Аббоснинг кетиши ҳақида: "Яхши футболчилар жамоани тарк этишига доим тайёр туриш керак"

ЦСКА ҳимоячиси Милан Гайич Аббосбек Файзуллаевнинг жамоадан кетиши ҳақидаги саволга жавоб берди. Чоршанба куни  легионеримиз "Истанбул Башакшеҳир" таркибига қўшилгани маълум бўлди. Гайичдан Файзуллаевдек футболчини йўқотиш ачинарли эмасми, деб сўрашди.

- Аббос биз билан узоқ ўйнади, уни табриклаб, омад тиламоқчиман. Бу шунчаки футбол, одамлар келади ва кетади. Жамоани яхши ўйинчилар тарк этишига тайёр бўлиш керак", - дея Гайичнинг сўзларини келтирди "Матч TV."

ЦСКА чоршанба куни Россия кубоги гуруҳ босқичи биринчи турида "Локомотив"ни 2:1 ҳисобида мағлуб этди. Энди Фабио Челестини жамоани 3 август куни бўлиб ўтадиган Премьер-лигада "Зенит"га қарши ўйинга тайёрлайди.