Бундеслига вакили “Лейпциг” қишки трансферлар вақтида ўз сафини “Милан” ҳужумчиси Ноа Окафор билан кучайтиришга қарор қилганди.
Томонлар ўзаро келишувга эришди ва швейцариялик футболчи янги жамоаси учун тиббий кўрикдан ўтди.
Sky Germany нашрининг ёзишича, кўрик натижалари германияликларни қониқтирмади. Окафор яқинда “Милан” сафидаги машғулотларда қатнашган бўлса-да, жароҳатидан тўлиқ қутилмагани ва “Лейпциг”га дарров ёрдам бера олмаслиги маълум бўлди.
Бунинг оқибатида Бундеслига клуби трансферни расмийлаштиришдан бош тортди.
24 ёшли Ноа Окафор “Милан”га 2023 йилнинг ёзида Австриянинг “Ред Булл Зальцбург” клубидан трансфер қилинган эди.
Изоҳлар (0)
Ҳозирча изоҳлар йўқ