Лондоннинг "Тоттенхэм" клуби америкалик репер ва продюсер Канье Уэстни ўз стадионида концерт беришдан бош тортди. Бунга санъаткорнинг яҳудийларга қарши баёнотлари ва клубнинг яҳудийлар жамоаси билан тарихий алоқалари сабаб бўлган, деб ёзади Daily Mail.
Бунинг ўрнига репер Wireless Festival фестивалига таклиф қилинди. Бу қарор кескин танқидларга учради, натижада икки йирик ҳомий тадбирда иштирок этишдан бош тортди.
Pepsi компанияси Канье Уэстнинг фестиваль бошловчиси сифатидаги чиқишига норозилик сифатида ҳомийлик қўллаб-қувватловини тўхтатишини эълон қилди. Бир неча соатдан сўнг Pepsi'га Guinness, Johnnie Walker ва Captain Morgan брендларига эгалик қилувчи Diageo компанияси қўшилди.
Буюк Британия бош вазири Кир Стармер вазиятга изоҳ бериб, фестивалнинг Канье Уэстни таклиф қилиш қарорини "чуқур хавотир уйғотадиган" деб атади. Унинг таъкидлашича, репернинг аввалги антисемитик фикрларини инобатга олсак, унга мамлакатга киришни тақиқлаш эҳтимоли бор.