"Тоттенхэм" жамоа юлдузининг кетишига қаршилик қилмайди

"Тоттенхэм" ҳужумчиси Сон Хин Мин фаолиятини МЛСда давом эттириши мумкин. Жанубий кореялик юлдузнинг трансфер шартлари бўйича ҳали келишувга эришмаган "Лос-Анжелес" клуби "шпорлар"нинг 33 ёшли сардорини ўз сафига қўшиб олмоқчи.

"GiveMeSport" нашрининг хабар беришича, агар футболчининг ўзи Америка клубига ўтишни сўраса, "Тоттенхэм" музокараларга киришишга ва Соннинг нархини 20 миллион фунт стерлинггача (тахминан 23 миллион евро) туширишга тайёр.

Сон Хин Миннинг амалдаги шартномаси келаси йил ёзида якунига етади. Ҳужумчи ўн йилдан бери лондонликлар шарафини ҳимоя қилиб келмоқда. Шу вақт мобайнида у жамоа либосида 454 та ўйин ўтказиб, 173 та гол урди ва 101 та голли узатма берди.