"Тошкуч"дан "Манчестер Сити"га қадар ёхуд АПЛга шунчаки бориб қолмаган Ҳусанов

Ижтимоий тармоқлар ва футболнинг узлуксиз ёритилиши даврида, ўйинчилар кўпинча клубга деярли номаълум шахс сифатида келиши камдан-кам учрайди. Шу маънода, "Манчестер Сити"нинг ўзбекистонлик ҳимоячи Абдуқодир Ҳусановни сотиб олиши ўтган даврларга қайтишга ўхшайди гўё.

20 ёшли Ҳусанов душанба Франциянинг "Ланс" клубидан 33,6 миллион фунт стерлинг эвазига "шаҳарликлар" сафига қўшилди ва Премьер-лигада ўйнайдиган ўз ватанининг биринчи футболчисига айланди.

Ўринбосарлар жамоасидан Беларус томон...

Марказий ҳимоячи фаолиятининг асосий қисми ҳали олдинда бўлса-да, бу трансфер унинг ҳайратланарли ютуқларининг якунидир. Тўрт йилдан камроқ вақт ичида бу ёш ҳимоячи ўз бир неча рад этилган жавобларни енгиб ўтиб, футбол оламининг энг истиқболли юлдузларидан бирига айланди.

Ҳусанов футболчилик фаолиятини етти ёшида "Тошкуч"дан Тошкентнинг "Бунёдкор" клуби академиясига ўтганида бошлаган. У дарҳол ўзидан икки ёш катта бўлган болалар билан ўйнай бошлади, унинг истеъдоди ва майдон бўйлаб ўйнаш қобилияти шундай эди.

Бироқ, 17 ёшида клуб унинг учинчи даражали ўринбосарлар жамоасидан бошқа нарсани кафолатлаш учун етарли даражада кучли ёки жисмонан тайёр эмаслигини айтди. Ҳусановнинг отаси, собиқ Ўзбекистон терма жамоаси аъзоси Ҳикмат Ҳошимов муқобил вариантларни излашга қарор қилди. Бунда эса якуний танлов Беларуснинг "Энергетик-БГУ" жамоаси бўлди.

Клуб Ҳусановни дебютини ўтказиши учун бир йил кутиши керак бўлишига қарамай, уни сафга қўшиб олди. Сабаби, Беларусда футболчилар 18 ёшга тўлмагунча профессионал шартномалар имзолай олмайди. Ўйнаш ҳуқуқига эга бўлгач, Ҳусановнинг таъсири дарҳол сезилди. Ҳозирда фақат марказий ҳимоячи сифатида ўйнаган Ҳусанов "Энергетик-БГУ"га 2022 йилда Беларус олий лигасида иккинчи ўринни эгаллашга ёрдам берди.

"Ҳусановни ҳеч ким танимас эди"

Ҳусановнинг ривожланиб бориши ўз ватанидаги мухлислар томонидан деярли эътироф этилмаган бўлса-да, унинг кейинги ҳаракатлари Ўзбекистон терма жамоасидаги ютуқлари билан боғлиқ эди. 2023 йил март ойида 20 ёшгача бўлган футболчилар ўртасидаги Осиё кубоги учун терма жамоага кеч чақирилган Ҳусанов ҳар бир дақиқада ўйнади ва унинг жамоаси тарихий чемпионликни қўлга киритди.

Натижада Ўзбекистон 2023 йилнинг май ойида 20 ёшгача бўлганлар ўртасидаги Жаҳон чемпионатига йўлланмани қўлга киритди. Мундиалда "Ланс"нинг скаут менежери Баптисте Фавиэр ҳимоячининг ҳаракатларини кузатди. Ўша йилнинг июль ойида "Ланс" уни атиги 84 000 фунт стерлингга сотиб олди.

"Ланс"га келганида уни ҳеч ким танимас эди, - дейди "Get French Football News" бош муҳаррири Люк Энтвистл.

Ушбу мавсумда Ҳусанов Жонатан Градит, Кевин Дансо ва Фаcундо Мединаларнинг таркибдаги барқарорлигини бузди ва Лига 1да 13 та ўйинда майдонга тушди, улардан 11 таси асосий таркибда.

Ҳусановнинг дунёнинг энг яхши футболчиларидан бирига айланишига шунчалик ишонч борки, "Ланс" клуби ўз тўплами учун унинг ўйинда кийган имзоли футболкасини сақлаб қўйган. Бу амалиёт фақатгина клуб тарихида из қолдирган энг буюк футболчилар учун қўлланилади.

Танк? Монстер ёки Поезд?

Самбанинг Ҳусановни "монстер" деб таърифлагани, "Ленс" жамоаси бош мураббийи Уилл Стиллнинг уни "танк" деб атагани ва ватанида у "Поезд" лақабини олганининг ўз сабаби бор.

"У кучли тўхтатишлари, ҳавода ўйнаш маҳорати ва дадил услуби билан танилган қудратли ҳимоячи," дейди журналист ва "Football Manager" ўйинининг Марказий Осиё бўйича тадқиқотчиси Томас Буллок.

"Ҳусанов тўпни яхши бошқаради. Бироқ, унинг энг ажралиб турадиган хусусияти - бу тезлиги. Бу унга тез тикланиш ва чаққон ҳужумчиларни таъқиб қилиш имконини беради."

Энтвистл қўшимча қилди: "Абдуқодир олдинга чиқиб, ярим ҳимояга босим ўтказишни ёқтиради. У беллашувларда кучли, ҳеч қачон ярим-ёрти ҳаракат қилмайди. У жуда яхши жисмоний тайёргарликка эга ўйинчи."

Ўзбек тилида Абдуқодир "қудратли" деган маънони англатади. Бу исм ота-онасининг узоқни кўра билиш қобилияти туфайли қўйилганми ёки шунчаки тақдир тақозосими? Бундан муносиброғи бўлмаса керак!

Манба: BBC
Жаҳонгир Иномжонов