Тошкент катта халқаро мусобақага мезбонлик қилади
- 8-июн 2023, 16:28
- Javokhir Azimov
- 0
- Яккакурашлар
Бугун, 8 июнь куни Астана шаҳрида Осиё-Океания самбо уюшмасининг навбатдаги Конгресси ташкил этилди.
Унда ташкилотга аъзо миллий федерация ва ассоциация вакиллари иштирок этишди. Юртимиз номидан Ўзбекистон самбо ассоциацияси раиси Алишер Алимов мазкур Конгрессда қатнашди.
Конгресс давомида бир қатор ташкилий масалалар кўриб чиқилди. Шу жумладан, олдинда турган мусобақа мезбонлари ҳам аниқланди.
Унга кўра, 2025 йил самбо бўйича Осиё ва Океания чемпионати мезбонлиги учун Тошкент шаҳри даъвогарлик қилганди. Унга кўра, пойтахтимиз варианти бир овоздан қўллаб-қувватланди.
Шу тариқа, 2 йилдан кейинги Осиё-Океания чемпионати Ўзбекистон пойтахти Тошкент шаҳрида ўтказиладиган бўлди.
Ёшлар сиёсати ва спорт вазирлиги матбуот хизмати
Изоҳлар (0)
Ҳозирча изоҳлар йўқ