Топурия Конор билан жанг қилишга тайёр

Ярим енгил вазн тоифасида UFC чемпиони унвонига давогар Илья Топурия(14-0) промоушеннинг икки вазн тоифасида собиқ чемпион Конор МакГрегор(22-6) билан эҳтимолий жанг ҳақида гапирди.

“Конор МакГрегор билан жанг айнан менга керак бўлган нарса. У Майк Чэндлерга қарши ажойиб жанг ўтказади. Менимча, у ҳам мен билан октагонда кўришишдан хурсанд бўлади. Балки биз Испаниядаги UFC турнирида жанг қилишимиз мумкин", – деб айтди.

Эслатиб ўтамиз, 17 февраль куни "UFC 298" нинг асосий баҳсида Топурия ярим енгил вазн тоифасида амалдаги чемпион Александр Волкановски билан жанг ўтказади.