Тома Табатадзе: "Биз кутаётган синовларга тайёрман"

"Нефтчи" жамоасига қайтган Грузиялик ҳужумчи Тома Табатадзе клуб матбуот ҳизмати учун кичик интервью берди.

- «Нефтчи» клуби ҳақида нималарни биласиз?

- «Нефтчи» клуби мен учун доим ўзгача бўлган. Бу Ўзбекистондаги энг номдор ва обрўли клублардан бири бўлиб, бой тарихга эга ва мухлислар томонидан ажойиб қўллаб-қувватланади. Илгари мен ушбу жамоанинг бир қисми бўлиш бахтига муяссар бўлдим ва унинг анъаналари ва руҳини чуқур ҳурмат қиламан.

- Клубга қўшилишингизда қандай омиллар муҳим роль ўйнади?

- «Нефтчи»га қайтишимга кўп омиллар таъсир қилди. Аввало, бу ерда ўтган вақтимни яхши эслайман. Иккинчидан, клуб ривожига ўз ҳиссамни қўшишим ва жамоанинг юқори натижаларга эришишида ёрдам бера оламан деб ўйлайман ва албатта, мухлисларнинг қўллаб-қувватлаши ва клубнинг амбициялари катта роль ўйнади.

- Клубга қайтишингиздан асосий мақсад нима?

- Асосий мақсад - ғалабаларга эришиш ва чемпион бўлиш. Мен ўз маҳоратим ва тажрибамни клубни ўз мақсадларига эришишда қўллаб-қувватлаш учун сарфламоқчиман.

- Янги мавсум ҳақида қандай фикрдасиз?

- Янги мавсумни интиқлик билан кутяпман. Жамоанинг салоҳияти бор ва тўғри муносабат, меҳнатсеварлик билан биз юксак чўққиларни забт эта оламиз. Бизни кутаётган синовларга тайёрман ва мухлисларимизни хурсанд қила олишимизга ишонаман.

- Фарғоналик мухлисларга нима деган бўлардингиз?

- Сизнинг илиқ муносабатингиз ва қўллаб-қувватлашингиз мен учун доимо илҳом бўлиб келган. Мен сизнинг ишончингиз учун миннатдорман. Сиз ва клубимиз учун 100% билан ҳаракатланишга  ваъда бераман. Биргаликда биз катта муваффақиятларга эриша оламиз!