Том Аспиналл: "Пандемия фойдамга ишлади"

Оғир вазн тоифасида (120 кг) вақтинчалик UFC чемпиони Том Аспиналл Америка промоушенидаги фаолияти ҳақида гапирди.

"Биринчи жангим Абу-Дабида бўлиб ўтди ва у ерда ҳеч ким йўқ эди. Кўпчилик олдида октагонга чиқишни бошлашдан олдин мен UFC да тўртта жанг ўтказдим... Аслида бу секин ва ёқимли жараён эди. Кейин Лас-Вегасда курашдим, у ерда 100 га яқин одам бор эди, кейин яна Вегасда. Секин-аста раҳбарият муҳлисларнинг кичик қисмини ичкарига кирита бошлади ва 500 дан 1000 гача инсон аренадан баҳсларни кузатиб борди. Лондондаги Волковга қарши тўқнашувимда 22 минг томошабин йиғилган эди. Шу тариқа барчасига кўникдим. Ҳаяжоним камайди. Пандемия ҳамма учун оғир кечди, бироқ карьерам учун яхши бўлди" - деди британиялик Деметриус Жонсон билан суҳбатда.

Маълумот учун, Том Аспиналл бу йил сўнггида Жон Жонсга қарши чемпионлик жангини ўтказиши кутилмоқда.