"Том Аспиналл - Кёртис Блейдс" жангида ким фаворит? Бу саволга Александр Волкановски жавоб берди

Ярим енгил вазн тоифасида собиқ UFC чемпиони Александр Волкановски оғир вазн тоифасида вақтинчалик UFC чемпиони Том Аспиналл ва Кёртис Блейдс ўртасидаги бўлажак жангни таҳлил қилди.

"Кёртис ҳар қандай оғир вазнли жангчи учун жуда қийин рақиб, чунки унинг базаси – кураш. У ҳар қандай рақибни мағлуб эта олади. Блейдснинг зарба техникаси ҳар бир жангда ривожланиб борганини кўрдик. Рақиб Аспиналлга келсак, у ҳам курашда катта тажрибага эга, тез ва чаққон. Масофа ва вақтни ажойиб тарзда танлашни билади. Стендда ҳам кучли.  Кертисни бу тўқнашувда аутсайдер деб айтмаган бўлардим, бироқ, фикримча, Аспиналлнинг маҳорати ва кураш тажрибаси Томга ғалаба олиб келади”, — дея Волкановскининг сўзларини келтиради Bloody Elbows.

Эслатиб ўтамиз, британиялик ва америкалик Манчестерда, 28 июл куни бўлиб ўтадиган "UFC 304" турнирида жанг қилади.