Тезкор хабар! Фазлиддин Ғоибназаровнинг жанги бекор қилинди

Рио Олимпиадаси чемпиони, ҳозирда профессионал боксда фаолият юритаётган Фазлиддин Ғоибназаров (9-1, 5 КО) 26 июнь куни АҚШда Куинтон Рандаллга (8-0, 2 КО) қарши жанг қилиши ҳақида хабар бергандик.

Sports.uz сайтига маълум бўлишича, Ғоибназаров Америка Қўшма Штатларига жўнаб кетиш учун виза ололмагани сабабли мазкур тўқнашув бекор қилинди.

Эслатиб ўтамиз, Тop Rank компанияси томонидан ташкил этиладиган кечанинг марказий жангида Василий Ломаченко(14-2,10 КО) ҳамда япониялик Масаёши Накатани (19-1,13 КО) ўзаро баҳс олиб боради.