Терма жамоамиз етакчиси Ироқ билан ўйнамайди

Ўзбекистон терма жамоаси ҳимоячиси Анзур Исмоилов Ироққа қарши ўртоқлик учрашувида майдонга тушмайди. Бу ҳақда терма бош мураббийи Вадим Абрамов Гана Б га қарши ўйиндан кейинги матбуот анжуманида маълум қилди.

"Анзур Исмоилов навбатдаги ўйинда аниқ майдонга тушмайди. Сабаби, мен "Пахтакор" мураббийиги уни фақат бир учрашувда ўйнатишга ваъда берганман. Уларнинг ОЧЛ бўйича ўз режалари бор. Қолаверса, Анзурда кичик жароҳат ҳам бор", - дейди мураббий.

Эслатиб ўтамиз, Ўзбекистон – Ироқ ўртасидаги ўйин 29 март куни "Бунёдкор" ўйингоҳида бўлиб ўтади.