- #Ўзбекистон
- #Суперлига
- #Сўғдиёна
- #Нефтчи
- #Биринчи лига
- #Про-лига
- #ЎФА
- #ОКМК
- #Металлург
- #Андижон
- #Бухоро
- #Бунёдкор
- #Олимпик
- #Юниред
- #Андижон-SGS
- #Навбаҳор-Фарм
Тартиб-интизом қўмитаси қарорлари. "Андижон-SGS U-19" футболчиси 2 йилга футболдан четлаштирилди, "Юниред" таҳлилчиси техник зонада тамаки чеккани учун жаримага тортилди...
- 31-октябр 2023, 21:19
- 0
- Футбол
Ўзбекистон футбол ассоциацияси Тартиб-интизом қўмитасининг навбатдаги йиғилиши бўлиб ўтди. Унда сўнгги турлар доирасида бўлиб ўтган учрашувлардаги интизомий ишлар кўриб чиқилди. Бу ҳақда ЎФА матбуот хизмати хабар берди.
Суперлига
“Сўғдиёна” — “Андижон”
Суперлиганинг 22-тури доирасидаги “Сўғдиёна” — “Андижон” учрашувининг 90+5-дақиқасида “Андижон” футбол клуби футболчиси Ф. Соҳибжонов тўп учун курашиш вақтида оёғининг таг қисми билан рақиб ўйинчисининг тўпиғига зарба бергани учун майдондан четлаштирилган.
Тартиб-интизом қўмитасининг қарорига кўра, Фарходжон Соҳибжоновга (Андижон) нисбатан 3 та ўйинга четлаштириш интизом чораси қўлланилди.
“Сўғдиёна” — “Андижон”
Суперлиганинг 22-тури доирасидаги Учрашув якунлангандан сўнг, “Сўғдиёна” футбол клуби футболчиси Э. Орифов бош ҳакам шаънига хақоратли сўзлар ишлатгани қайд қилинган.
Тартиб-интизом қўмитасининг қарорига кўра, Элёр Орифовга (Сўғдиёна) нисбатан 3 та ўйинга четлаштириш ва жарима интизом чораси қўлланилди.
“Олимпик” — “Бунёдкор”
Суперлиганинг 22-тури доирасидаги “Олимпик” — “Бунёдкор” учрашувининг 8-дақиқасида “Бунёдкор” футбол клуби футболчиси С. Иззатов тўп учун курашиш вақтида оёғининг таг қисми билан рақиб ўйинчисини тўпиқ қисмини қасддан босиб олгани учун майдондан четлаштирилган.
Тартиб-интизом қўмитасининг қарорига кўра, Сухроб Иззатовга (Бунёдкор) нисбатан 3 та ўйинга четлаштириш интизом чораси қўлланилди.
“Металлург” — “Бухоро”
Суперлиганинг 22-тури доирасидаги “Металлург” — “Бухоро” учрашувининг 8-дақиқасида “Металлург” футбол клуби футболчиси И. Шайқулов тўп учун курашиш вақтида оёғининг таг қисми билан рақиб ўйинчисининг оёқ қисмига зарба бергани учун майдондан четлаштирилган.
Тартиб-интизом қўмитасининг қарорига кўра, Искандар Шайқуловга (Металлург) нисбатан 2 та ўйинга четлаштириш интизом чораси қўлланилди.
“Металлург” — “Бухоро”
Суперлиганинг 22-тури доирасидаги “Металлург” — “Бухоро” учрашувининг 39-дақиқасида “Бухоро” футбол клуби футболчиси М. Жўрабоев тўп учун курашиш вақтида оёғи билан рақиб ўйинчисининг юз қисмига зарба бергани учун майдондан четлаштирилган.
Тартиб-интизом қўмитасининг қарорига кўра, Махмуд Жўрабоевга (Бухоро) нисбатан 2 та ўйинга четлаштириш интизом чораси қўлланилди.
Про-лига
“Ғиждувон” — “Хоразм”
Про лиганинг 20-тури доирасидаги “Ғиждувон” — “Хоразм” учрашувининг 42-дақиқасида “Ғиждувон” футбол клуби футболчиси Б. Жўрақулов мушти билан рақиб ўйинчисини юз қисмига зарба берган учун майдондан четлаштирилган.
Тартиб-интизом қўмитасининг қарорига кўра, Бобур Жўрақуловга (Ғиждувон) нисбатан 3 та ўйинга четлаштириш интизом чораси қўлланилди.
“Андижон СГС” — “Навбаҳор фарм”
Про лиганинг 21-тури доирасидаги “Андижон СГС” — “Навбаҳор фарм” учрашувининг 40-дақиқасида “Андижон СГС” футбол клуби футболчиси Ф. Зухриддинов бош қисми билан атайлаб рақиб ўйинчисининг юз қисмига зарба бергани қайд этилган.
Тартиб-интизом қўмитасининг қарорига кўра, Ф. Зухриддиновга (Андижон СГС) нисбатан 3 та ўйинга четлаштириш ва жарима интизом чораси қўлланилди.
“Навбаҳор фарм” — “Юниред”
“Суперлига ва Про лига регламенти”нинг 16.27-бандида техник зонада тамаки ва бошқа турдаги маҳсулотларни чекиш тақиқланган бўлса-да, Про лиганинг 19-тури доирасидаги “Навбаҳор фарм” — “Юниред” учрашувида “Юниред” футбол клуби таҳлилчиси И. Жабборов техник зонада тамаки маҳсулотини чекканлиги қайд этилган.
Тартиб-интизом қўмитасининг қарорига кўра, Илхом Жабборовга (Юниред) нисбатан жарима интизом чораси қўлланилди.
У-21 чемпионати
“Металлург У21” — “Бухоро У21”
У21 чемпионатининг 22-тури доирасидаги “Металлург У21” — “Бухоро У21” учрашувининг 45+1-дақиқасида “Бухоро У21” жамоаси футболчиси Б. Тураев рақиб ўйинчисининг бўйин қисмига тирсаги билан зарба бергани учун майдондан четлаштирилган.
Тартиб-интизом қўмитасининг қарорига кўра, Беҳруз Тўраевга (Бухоро У21) нисбатан 2 та ўйинга четлаштириш интизом чораси қўлланилди.
Биринчи лига Кубоги
“Жиззах” — “Пахтакор-79”
Биринчи лига Кубогининг 1-тури доирасидаги “Жиззах” — “Пахтакор-79” учрашувида “Пахтакор-79” жамоаси футболчиси Х. Матёқубов учрашув тўхтатилган вақтда рақиб ўйинчисини юз қисмига тўпни атайин тепгани учун майдондан четлаштирилган.
Тартиб-интизом қўмитасининг қарорига кўра, Хабибулла Матёқубовга (Пахтакор-79) нисбатан 3 та ўйинга четлаштириш интизом чораси қўлланилди.
У-19 чемпионати
“Андижон СГС У19” — “Нефтчи У19”
У19 чемпионатининг 23-тури доирасидаги “Андижон СГС У19” — “Нефтчи У19” учрашувининг 35-дақиқасида “Андижон СГС У19” жамоаси футболчиси Бекзодбек Сулаймонов ўйин тўхтатилган вақтда боши билан рақиб ўйинчисини юз қисмига зарба бергани учун майдондан четлаштирилгани, майдондан чиқиб кетаётган вақтда рақиб ўйинчисини юз қисмига мушт билан зарба бергани, шунингдек майдонни тарк этиб кетаётган рақиб жамоа футболчисини юз қисмига мушт билан зарба бериб, бўғиб тажавузкор харакатлар қилгани, тартибсизликлар ва жанжалли вазиятларни вужудга келтиргани билан боғлиқ ҳолатлар бўйича тегишли чора кўриш сўралган.
Тартиб-интизом қўмитасининг қарорига кўра, Бекзодбек Сулаймоновга (Андижон СГС У19) нисбатан ЎФА Интизом кодексининг 5,6., 5.45-бандининг “д”, “и”, “к”, “п”, “с” қисмларига асосан 2 йил муддатга футбол билан боғлиқ ҳар қандай фаолият билан шуғулланишдан четлаштириш интизом чораси қўлланилди.
“Андижон СГС У19” — “Нефтчи У19”
У19 чемпионатининг 23-тури доирасидаги “Андижон СГС У19” — “Нефтчи У19” учрашувининг 35-дақиқасида “Андижон СГС У19” жамоаси футболчиси Ш. Иминжонов ўйин тўхтатилган вақтда рақиб ўйинчисини тепиб ўзини тажовузкор тутганлиги учун майдондан четлаштирилган.
Тартиб-интизом қўмитасининг қарорига кўра, Шохрухмирзо Иминжоновга (Андижон СГС У19) нисбатан 7 та ўйинга четлаштириш интизом чораси қўлланилди.
“Андижон СГС У19” — “Нефтчи У19”
У19 чемпионатининг 23-тури доирасидаги “Андижон СГС У19” — “Нефтчи У19” учрашувининг 35-дақиқасида “Андижон СГС У19” жамоаси футболчиси Р. Омонбоев ўйин тўхтатилган вақтда қўли билан рақиб ўйинчисига зарба бергани учун майдондан четлаштирилган.
Тартиб-интизом қўмитасининг қарорига кўра, Равшан Омонбоевга (Андижон СГС У19) нисбатан 5 та ўйинга четлаштириш интизом чораси қўлланилди.
“Андижон СГС У19” — “Нефтчи У19”
У19 чемпионатининг 23-тури доирасидаги “Андижон СГС У19” — “Нефтчи У19” учрашувининг 35-дақиқасида “Андижон СГС У19” жамоаси дарвозабони Абдумўмин Нурмухаммадов ўйин тўхтатилган вақтда рақиб ўйинчисини тепиб, ўзини тажовузкор тутганлиги учун майдондан четлаштирилган.
Тартиб-интизом қўмитасининг қарорига кўра, Абдумўмин Нурмухаммадовга (Андижон СГС У19) нисбатан 5 та ўйинга четлаштириш интизом чораси қўлланилди.
“Андижон СГС У19” — “Нефтчи У19”
“Андижон СГС У19” — “Нефтчи У19” учрашувининг 35-дақиқасида “Андижон СГС У19” жамоасидаги У19 чемпионатининг 22-турида бош ҳакамнинг шаънига хақоратли сўзлар ишлатгани учун қизил карточка олиб четлаштирилган, футболчиси Хожиакбар Қорабоев ўйин тўхтатилган вақтда майдон ташқарисидан майдонга тушиб, рақиб ўйинчисини юз қисмига мушт билан зарба бергани хамда ўзини тажовузкор тутгани ҳолати бўйича тегишли чора кўриш сўралган.
Тартиб-интизом қўмитасининг қарорига кўра, Хожиакбар Қорабоевга (Андижон СГС У19) нисбатан 10 та ўйинга четлаштириш интизом чораси қўлланилди.
“Андижон СГС У19” — “Нефтчи У19”
У19 чемпионатининг 23-тури доирасидаги “Андижон СГС У19” — “Нефтчи У19” учрашувининг 35-дақиқасида “Нефтчи У19” жамоаси футболчиси Х. Умирзоқов ўйин тўхтатилган вақтда рақиб ўйинчиси унга нисбатан ўзини тажовузкор тутиб, тепганидан сўнг Х. Умирзоқов ҳам унга жавобан қўли билан зарба бергани қайд этилган.
Тартиб-интизом қўмитасининг қарорига кўра, Хусанбой Умирзоқовга (Нефтчи У19) нисбатан 3 та ўйинга четлаштириш интизом чораси қўлланилди.
“Андижон СГС У19” — “Нефтчи У19”
У19 чемпионатининг 23-тури доирасидаги “Андижон СГС У19” — “Нефтчи У19” учрашувининг 35-дақиқасида “Нефтчи У19” жамоаси футболчиси Мартавали Турғунов ўйин тўхтатилган вақтда рақиб ўйинчисини тепиб, ўзини тажовузкор тутган ҳолати қайд этилган.
Тартиб-интизом қўмитасининг қарорига кўра, Мартавали Турғуновга (Нефтчи У19) нисбатан 3 та ўйинга четлаштириш интизом чораси қўлланилди.
“Андижон СГС У19” — “Нефтчи У19”
У19 чемпионатининг 23-тури доирасидаги “Андижон СГС У19” — “Нефтчи У19” учрашувининг 35-дақиқасида “Андижон СГС У19” жамоаси футболчиси Ш. Мухитдиннов ўйин тўхтатилган вақтда қўли билан рақиб ўйинчисига зарба бергани учун майдондан четлаштирилган.
Тартиб-интизом қўмитасининг қарорига кўра, Шамшот Мухитдиновга (Андижон СГС У19) нисбатан 5 та ўйинга четлаштириш интизом чораси қўлланилди.
“Пахтакор У19” — “Насаф У19”
У19 чемпионатининг 23-тури доирасидаги “Пахтакор У19” — “Насаф У19” учрашувининг 51-дақиқасида “Пахтакор У19” жамоаси футболчиси Д. Ни рақиб ўйинчисининг бош қисмига қўлининг кафти билан зарба бергани учун майдондан четлаштирилган.
Тартиб-интизом қўмитасининг қарорига кўра, Данила Нига (Пахтакор У19) нисбатан 3 та ўйинга четлаштириш интизом чораси қўлланилди.
“Пахтакор У19” — “Насаф У19”
У19 чемпионатининг 23-тури доирасидаги “Пахтакор У19” — “Насаф У19” учрашувининг 54-дақиқасида “Насаф У19” жамоаси футболчиси Ж. Убайдуллаев тўп учун кураш вақтида оёғининг таг қисми билан рақиб ўйинчисининг оёқ қисмига зарба бергани учун майдондан четлаштирилган.
Тартиб-интизом қўмитасининг қарорига кўра, Жавохир Убайдуллаевга (Насаф У19) нисбатан 3 та ўйинга четлаштириш интизом чораси қўлланилди.
“Сурхон У19” — “Олимпик У19”
У19 чемпионатининг 23-тури доирасидаги “Сурхон У19” — “Олимпик У19” учрашувининг 38-дақиқасида “Сурхон У19” жамоаси футболчиси Д. Зоиров тўпсиз вазиятда атайлаб рақиб ўйинчисини тепганлиги ҳамда рақиб ўйинчиси шаънига хақоратли сўзлар ишлатгани қайд этилган.
Тартиб-интизом қўмитасининг қарорига кўра, Достон Зоировга (Сурхон У19) нисбатан 4 та ўйинга четлаштириш интизом чораси қўлланилди.
У19 чемпионатининг 21-тури доирасидаги “Бухоро У19” — “Машъал У19” учрашувининг 39-дақиқасида “Машъал У19” жамоаси футболчиси С. Пармонқулов тўп учун курашиш вақтида қўлнинг тирсаги билан рақиб ўйинчисини юз қисмига зарба бергани учун майдондан четлаштирилган.
Тартиб-интизом қўмитасининг қарорига кўра, Суҳробжон Пармонқуловга (Машъал У19) нисбатан 2 та ўйинга четлаштириш интизом чораси қўлланилди.
“Навбаҳор У19” — “Бухоро У19”
У19 Чемпионатининг 24-тури доирасидаги “Навбаҳор У19” — “Бухоро У19” учрашуви ўтказилиши белгиланган кунда “Бухоро У19” жамоаси мазкур учрашувга келмагани учун “Бухоро У19” жамоасига техник мағлубият қайд этилган.
Тартиб-интизом қўмитасининг қарорига кўра, “Бухоро” футбол клуби “Бухоро У19” жамоасини мусобақа доирасидаги белгиланган учрашувдаги иштирокини таъминламагани учун футбол клубига нисбатан жарима интизом чорасини қўллаш белгиланди. ЎФА Интизом кодексининг 5.3-бандига асосан “Бухоро” футбол клубига нисбатан жарима интизом чораси қўлланилди.
Футзал Олий лигаси
“Максам-Чирчиқ” — “Насаф футзал”
Футзал бўйича Олий лиганинг 1-тури доирасидаги “Максам-Чирчиқ” — “Насаф футзал” учрашувининг 40-дақиқасида “Насаф футзал” жамоасининг футболчиси Ж. Рахматуллаев бош ҳакам шаънига хақоратли сўзлар ишлатган ҳолати қайд этилган.
Тартиб-интизом қўмитасининг қарорига кўра, Жамшид Рахматуллаевга (Насаф футзал) нисбатан 2 та ўйинга четлаштириш интизом чораси қўлланилди.
“Пахтакор футзал” — “Оил Стар”
Футзал бўйича Олий лиганинг 1-тури доирасидаги “Пахтакор футзал” — “Оил Стар” учрашуви бош ҳакамидан билдирги келиб тушган. Унга кўра, учрашувнинг 26-дақиқасида “Оил Стар” жамоасининг футболчиси А. Умаров тўп учун курашиш вақтида рақиб ўйинчисининг оёқ қисмига зарба бергани учун майдондан четлаштирилган.
Тартиб-интизом қўмитасининг қарорига кўра, Артур Умаровга (Оил Стар) нисбатан нисбатан 3 та ўйинга четлаштириш интизом чораси қўлланилди.
"Барча мураббий, футболчи, ҳакам ва расмийларни ҳар қандай вазиятда эҳтиросларга берилмасдан, профессионал бўлишга чақирамиз. Сизлар ўсиб келаётган ёшлар учун намуна эканликларингизни яна бир бор эслатиб ўтамиз!", - дейилади хабарда.