Таниқли портал 2024 йилдаги энг яхши ММА жангчиси кимлигини маълум қилди

"ММА Fighting" портали аралаш яккакурашлар бўйича йилнинг энг яхши жангчисини маълум қилди. Ғолиб –  ярим енгил вазн тоифасида амалдаги UFC чемпиони Илия Топурия бўлди.

27 ёшли жангчи 2020 йилдан буён UFC да иштирок этиб келмоқда. Февраль ойидаги "UFC 298" мусобақасида Топурия австралиялик Алекс Волкановскини иккинчи раундда нокаутга учратиб, чемпионга айланганди. Абу-Дабидаги "UFC 308" турнирида у америкалик Макс Холлоуэйни учинчи раундда нокаутга учратиб, ўзининг биринчи чемпионлик ҳимоясини амалга оширди.

Маълумот учун, Илия Топуриянинг мағлубиятсиз серияси 16 тага етди.