Талабга жавоб бермади! “Барса” зўрға олган ўйинчисидан воз кечди
- 14-август 2025, 11:28
- Zohir Toshxo’jayev
- 0
- Футбол
“Барселона” бир йил муқаддам “Лейпциг”дан катта умидлар билан Дани Ольмони трансфер қилганди. Аслида Каталония суперклуби тарбияланувчиси бўлган испаниялик ярим ҳимоячи собиқ жамоаси таклифини мамнуният билан қабул қилди.
Бироқ бу трансфер кутилган самарани бермади. Дани Ольмо Каталонияга келганидан кейин кўп жароҳат ола бошлади ва бу унга ўз иқтидорини тўлиқ намойиш қилиш имконини бермади. Бундан ташқари, унинг позицияда ўйнайдиган Фермин Лопес кейинги бир йилда жуда катта ўсишга эришда ва асосий таркибнинг муқим ўйинчисига айланиб бормоқда.
Ханс-Дитер Флик ҳужумкор футболчилар талаб этиладиган қолган позицияларда жамоа етакчиси номини олган Рафинья ва “Манчестер Юнайтед”дан трансфер қилинган Маркус Рэшфордга кўпроқ ишонч билдиришини кўрсатди.
Вазиятдан келиб чиқиб, “Барселона” Дани Ольмони сотиб юборишни режалаштиряпти. Каталонияликларни 60 миллион евро атрофидаги маблағ тўлиқ қониқтиради.
Испаниялик плеймейкерга Англия Премьер-лигаси ва Саудия Арабистони Профессионал лигаси клубларидан қизиқиш борлиги айтиляпти.