Суперлига. "Водий дербиси"да "Нефтчи" "Андижон"ни ишончли ҳисобда таслим этди

Суперлиганинг 9-туридан ўрин олган беллашув ўз ниҳоясига етди. 
 
Ушбу тур доирасида "Андижон" ўз уйида Виталий Левченко бошчилигидаги "Нефтчи"ни қабул қилиб, 0:2 ҳисобида мағлуб бўлди. Учрашувнинг 11-дақиқасида Фаррух Сайфиев ҳисобни очган бўлса, иккинчи бўлимнинг 60-дақиқасида Жамшид Искандеров орадаги фарқни 2 тага етказиб, жамоасининг ғалабасини таъминлади. 
 
Мазкур тўқнашувдан сўнг "йўлбарслар" очколар сонини 15 тага етказиб олиб, "Бунёдкор" ва "Динамо" билан тенглашиб олди. "Бургутлар" эса 9 очко билан турнир жадвалининг 12-ўринида қолди.