Суперлига. "Сурхон" - "Насаф" учрашувида юзага келган баҳсли вазият алоҳида кўриб чиқилади!

Бироз аввал Ўзбекистон Суперлигаси 8-туридан ўрин олган "Сурхон" - "Насаф" учрашуви якунига етди. Унда қаршиликлар 1:0 ҳисобидаги қийин ғалабани қўлга киритди. 

Аҳамиятлиси, мазкур ўйиннинг охирларида номинал мезбонлар фойдасига эҳтимолий пенальти бўйича баҳсли вазият юзага келди. ЎзФҲМ матбуот хизмати эса бунга ўз муносабатини билдирди. 

"Ўзбекистон Суперлигаси 8-туридан ўрин олган "Сурхон" - "Насаф" учрашувининг 90+4-дақиқасида юзага келган баҳсли вазият футбол жамоатчилиги орасида кенг муҳокамаларга сабаб бўлмоқда. Ўзбекистон Футбол Ҳакамлар Маркази мазкур ҳолат Эксперт-ҳакамлар комиссияси томонидан алоҳида кўриб чиқилишини маълум қилади", - дейилади хабарда.