Суперлига. "Нефтчи" бугун чемпионликни расмийлаштириши мумкин

Суперлиганинг 29-тури ҳам якунланиш арафасида. Бугун тур доирасидаги сўнгги икки учрашув бўлиб ўтиши режалаштирилган. 
 
Дастлаб, "Сўғдиёна" ўз уйида Илёс Зейтуллаев бошқарувидаги "Бунёдкор"ни қабул қилади. Тўқнашув эса соат 14:00’да старт олади. 
 
Куннинг ва турнинг муҳим учрашувларидан бири "Қизилқум" - "Нефтчи" жамоалари ўртасида бўлади. Агар фарғоналиклар ғалабани қўлга киритса, чемпионликни расмийлаштиради. Дуранг қайд этилса, чемпионлик масаласи сўнгги турга қолади. Бу беллашув эса соат 16:15’да бошланиши режалаштирилган.