Суперлига. "Навбаҳор" - "Бунёдкор": Томонлар дурангга имзо чекди

Суперлиганинг 16-туридан ўрин олган "Навбаҳор" - "Бунёдкор" учрашуви бўлиб ўтди. Ушбу баҳсда жамоалар кучи тенг келди.

Даставвал, биринчи бўлимнинг 8-дақиқасида Андрия Филипович жамоасини олдинга олиб чиққан бўлса, орадан ўн дақиқа ўтиб стандарт вазиятдан фойдаланган Жамшид Искандеров томонлар кучини тенглаштирди. 

Баҳснинг 60-дақиқасида "Навбаҳор" дарвозасига пенальти белгиланди. Темурхўжа Абдухолиқов бу имкониятдан унумли фойдаланди. Бобурбек Йўлдошев 71-дақиқада рақиб футболчисига нисбатан қўполлик ишлатди ва қизил карточка билан жазоланди.

90+10 дақиқада хакам "Бунёдкор" дарвозаси томон белгилаган пенальтини Искандеров голга айлантирди ва жамоасини мағлубиятдан қутқариб қолди.

Шу тариқа икки жамоа ҳам бир очкодан бшлишиб олди.