Суперлига. Март ойининг энг яхши мураббийи маълум

Суперлигада март ойининг энг яхши мураббийи номи эълон қилинди. Унга кўра, "Қизилқум" бош мураббийи Никола Лазаревич ойнинг энг яхши мураббийи деб топилди.

Мутахассис якунига етиб бораётган ойда "Қизилқум" билан 3 та ўйинда иштирок этди. Уларнинг 2 тасида ғалаба ва биттасида дуранг натижа қайд этилган. Тўплар нисбати - 5:1.

Шунингдек, Лазаревич билан бир қаторда энг яхши бўлиш учун Самвел Бабаян ("Навбаҳор"), Славче Войнески ("Пахтакор") ва Улуғбек Бақоев ("Сўғдиёна") ўрин олган эди.