Суперлига ҳакамлари қандай тайёргарлик кўришмоқда?

17-21 январь кунлари Cоcа Cоlа Суперлигаси баҳсларида ишлайдиган ва унга номзод бўлган ҳакамлар учун ўқув-машғулот йиғини бўлиб ўтди. Унда 30 га яқин ҳакам ва ёрдамчи ҳакамлар иштирок этишди. Тошкент шаҳрида бўлиб ўтган йиғинда арбитрлардан норматив тестлар олиниб, ўйин қоидалари бўйича семинарлар олиб борилди.

Шунингдек, ВАР-симуляторида машғулот ташкиллаштирилди ва ҳакамлар махсус ўртоқлик учрашувларида синовдан ўтказилди. Эътиборли жиҳати, мазкур йиғинда тажриба алмашиш мақсадида Тожикистондан ташриф буюрган ҳакамлар ҳам иштирок этишди. Маълумот ўрнида, иккинчи гуруҳ йиғини 24 январдан бошланиши режалаштирилган.

ЎФА матбуот хизмати.