Суперлига. "Бунёдкор" сўнгги поғонадаги "Шўртан" билан дуранг ўйнади

Суперлиганинг 17-туридан ўрин олган сўнгги беллашувда "Бунёдкор" "Шўртан" билан куч синашиб, 1:1 ҳисобидаги дурангга имзо чекди. 
 
Дастлаб беллашувнинг 31-дақиқасида "қалдирғочлар" аъзоси Имеда Ашортиа ҳисобни очишга муваффақ бўлди. Бунга "ғузорликлар" 45+5-дақиқада жавоб берди. Голга эса Ғанишер Қодиров муаллифлик қилди. 
 
Жамоалар 1 очкодан бўлиб олишгандан сўнг "Бунёдкор" очколар сонини 31 тага етказиб олган бўлса ҳам 5-ўринда қолди. "Шўртан" эса 10 очко билан ҳали ҳамон сўнгги ўринда бормоқда.