Суперлига. Бугун "Нефтчи", "Насаф" иштирокида ўйин бор. Яна бир баҳс Тошкентда бўлиб ўтади (фото)

Бугун Суперлигада 25-тур учрашувлари давом эттирилади. Мазкур санада мухлислар учта қарама-қаршилик гувоҳи бўлади.

Дастлаб, Тошкентда "Бунёдкор" ва "Металлург" ўзаро куч синашади. Учрашув 16:00 да старт олади. Ўйинни "Дунё бўйлаб" телеканали жонли эфирда намойиш этади. 

Яна бир ўйин Фарғонада ўтказилади. Унда "Нефтчи" клуби "Қизилқум"ни меҳмон қилади. Бу беллашув 18:15 да бошланади. Баҳс "Foreign Languages" телеканалида эфирга узатилади. 

Учинчи баҳс "Насаф" ва "Сўғдиёна" жамоалари ўртасида кечади. Мазкур тўқнашув 18:15 да "Дунё бўйлаб" телеканали орқали жонли эфирда мухлислар эътиборига ҳавола этилади.