Суперлига. АГМК сўнгги дақиқалардаги гол эвазига 3 очкони "Андижон"дан илиб кетди

Ўзбекистон Суперлигаси 24-туридан ўрин олган АГМК - "Андижон" учрашуви якунига етди. Унда мезбонлар 3:2 ҳисобида зафар қучди.

Дастлаб, "бургутлар" Муҳаммадкарим Тоиров ҳамда Павел Забелин томонидан киритилган голлар эвазига ҳисобда олдинга ўтиб олди. Буларга Олмалиқ клуби вакиллари Мартин Боакенинг дубли ва Шоҳруҳ Гадоевнинг 90+4-дақиқада урган голи билан жавоб қайтарди ҳамда ғалабани илиб кетди.

Шу тариқа, Қосимов шогирдлари очколари сонини 46 тага етказиб олган ҳолда, 2-ўринга кўтарилди. 13-поғонадаги "Андижон" ҳисобида 19 очко бор.