Суперлига-2023. Йилнинг энг яхши мураббийи бўлиш учун номзодлар рўйхати эълон қилинди (Фото)

Бир неча кун аввал Cоcа-Cола Суперлигада ҳар ойнинг энг яхшилари қай тартибда ва ким томонидан аниқлаб борилгани кўрсатилганди. Мана шу овозлар жамланмасидан келиб чиқиб, йилнинг энг яхшиси аниқланади.

Қуйида 8 нафар мутахассис келтириб ўтилган. Улар ой давомида керакли очколарни тўплаб келди. Умумий кўринишда мазкур мутахассислар мавсумни турлича ҳолатда якунлади. Бироқ ой давомида йиғиб борилган очколар энди муҳим рол ўйнайди. Ойлар давомидаги барқарорлик ёки бирор ойни катта муваффақият билан ўтказа олиш энг яхши бўлишда асосий омил бўлиши мумкин.

Маълумот учун, 2023 йилги мавсум давомида Левченко (март), Шацких (апрель), Қосимов (май), Хомяков (июнь), Левченко (август), Стешевич (сентябрь), Бердиев (октябрь), Арслонов (ноябрь) кабилар ой мураббийи сифатида тан олинганди.