Суперлига. 2-турни ўтказиб юборадиган футболчилар билан танишинг!

Эртага Суперлигада 2-тур баҳслари старт олади. Кун доирасида иккита ўйин бўлиб ўтиши кўзда тутилган. 

ПФЛ матбуот хизмати мазкур тур жамоасига ёрдам бера олмайдиган футболчилар рўйхатини маълум қилди. Унга кўра, "Локомотив"дан Санжар Турсунов, Собит Синдаров, "Навбаҳор"дан Муҳаммадкарим Абдуллаев, "Металлург"дан Беҳруз Абдуллаев, "Андижон"дан Асилбек Айсаров ҳамда "Олимпик"дан Акбар Абдурасулов каби футболчилар майдонга туша олмайди. 

Эслатиб ўтамиз, 8 март куни "Металлург" - "Сўғдиёна" ва "Пахтакор" - "Насаф" учрашувлари бўлиб ўтади.