Суперкомпьютер Ўзбекистоннинг “ЖЧ-2026”даги имкониятини қандай баҳолади?

2026 йлнинг 11 июнидан 19 июлига қадар АҚШ, Канада ва Мексиканинг жами 16 та шаҳрида футбол бўйича навбатдаги жаҳон чемпионати бўлиб ўтади.

ФИФА қарорига кўра, мусобақада илк бор 48 мамлакат терма жамоалари иштирок этади. Ҳозирга қадар турли қитъалардан жами 41 та терма жамоа мундиал йўлланмасини ҳал қилиб бўлган.

Кейинги йилнинг март ойидаги ФИФА кунларида қолган еттита йўлланма эгалари номи аниқланади.

Саралаш босқичларидан муваффақиятли ўтиб, жаҳон чемпионатига бориш масаласини ижобий ҳал қилган Ўзбекистон, Иордания, Карасао ва Кабо-Верде терма жамоалари ўз тарихида илк бор футбол оламининг энг нуфузли мусобақасида иштирок этиш ҳуқуқини қўлга киритди.

2026 йилги футбол бўйича жаҳон чемпионати қуръаси 5 декабрь куни Вашингтон шаҳридаги Кеннеди номидаги Ижро санъати марказида бўлиб ўтади. Ўзбекистон учинчи саватга жойлаштирилган.

Бу тадбир олдидан статистик тадқиқотларга Opta маркази суперкомпьютер терма жамоаларнинг бўлажак жаҳон чемпионатидаги имкониятларига баҳо берди.

Кучли сунъий интеллект билан жиҳозланган суперкомпьютер ҳисоб-китобларига кўра, бўлажак мундиалда Испания терма жамоасининг ғолиб чиқиш имконияти юқори баҳоланди. Испанларнинг чемпион бўлиш имконияти 17 фоизга тенг экани айтилмоқда.

Килиан Мбаппе етакчилигидаги Франция миллий  терма жамоасининг ғолиб чиқиш эҳтимоли 14,1 фоизни ташкил қилган бўлса, Англия терма жамоаси 11,8 фоиз ҳолатда жаҳон кубогига эга чиқиши мумкин экан.

2022 йили Қатарда ўтказилган жаҳон чемпионатида бош совринни қўлга киритган Аргентина терма жамоаси Opta рейтингида  8,7 фоиз имконият билан тўртинчи қаторда қайд этилган. Аввалги мундиалда Лионель Месси етакчилигидаги аргентиналиклар финалда Франция билан 3:3 ҳисобида дуранг ўйнаб, пенальтилар сериясида ғалабани илиб кетган эди.

Хўш, Opta статистка маркази суперкомпьютери Ўзбекистон миллий терма жамоасининг тарихий жаҳон чемпионатидаги имкониятини қандай баҳолади?

Сунъий интеллект ёрдамида махсус алгоритмлар асосида амалга оширилган ҳисоб-китоб ўзбек футболчиларининг дебют мундиалда ғолиб чиқиш имконияти 0,2 фоизни ташкил қилганини кўрсатди.

2026 йилги футбол бўйича жаҳон чемпионати қуръаси 5 декабрь куни Вашингтон шаҳридаги Кеннеди номидаги Ижро санъати марказида бўлиб ўтади. Ўзбекистон учинчи саватга жойлаштирилган.

Таъкидлаш жоизки, бўлажак жаҳон чемпионатида Ўзбекистон миллий терма жамоаси гуруҳ босқичидан чиқишни асосий мақсад сифатида белгилаган. Футболчиларимиз италиялик мутахассис Фабио Канавваро қўл остида тайёргарлик кўрмоқда.

Ўзбекистон терма жамоаси тайёргарлик жараёни давомида иккита халқаро турнир – Марказий Осиё мамлакатлари футболчилари иштирокидаги “ CAFA Nations Cup - 2025” ҳамда жаҳон чемпионатига йўлланма олган Миср, Кабо-Верде ва Эрон терма жамоалари қатнашган “Al-Ain International Cup - 2025” халқаро турнирида ғолиб чиқди.

Бу хатодан кейин Гвардиола Ҳусановни асосий таркибга қайтариши шарт

Нури Шахин Шомуродов уни қандай ҳайратга солганини айтди

Аламли мағлубиятдан кейин Ҳусановнинг ўйини қандай баҳоланди?

Ўзбекистоннинг жаҳон чемпионатидаги ғалабасига қандай муносабат бўлди?