Суперклуб бош мураббийни ҳайдагач, футболчилар жамоадан кетишга қарор қилди

“Тоттенхэм” Европа лигасида бош совринни қўлга киритиб, 17 йиллик совринсиз серияга чек қўйганига қарамай, ички чемпионатдани паст натижалар сабабли бош мураббий Анге Постекоглуни истеъфога чиқарган эди.

The Telegraph нашрининг маълум қилишича, бу қарор жамоа ичида футболчиларнинг норозиликларини келтириб чиқарган.

Манбага кўра, ўйинчиларни нафақат бош мураббийнинг ишдан олингани, балки истеъфонинг шакли ҳам  ҳайрон қолдирган.

Энди айрим етакчилар ёзги трансферлар даврида бошқа жамоага ўтиш вариантларини кўриб чиқишга киришди. Улар жамоанинг келажагига ва келаси мавсумдан юқори ўринлар учун курашишига шубҳа билан қарамоқда.