Суперҳужумчи жамоани иккига бўлиб юборди

Англия Премьер-лигаси вакили “Ньюкасл” ва швециялик ҳужумчи Александр Исаак ўртасидаги зиддият тобора кучайиб бормоқда.

Гап шундаки, Исаак “Ливерпуль”га кўчиб ўтмоқчи, клуб ўйинчи бўйича чемпион жамоа таклифларини қабул қилмаяпти. Александр клуб раҳбарияти қарорига норозилик билдириб, машғулот ва расмий учрашувларга келмаяпти.

Томонлар ижтимоий тармоқлар орқали бир бирига нисбатан ахборот урушини ҳам очиб юборган. Бу ҳолат жамоанинг ички муҳитига таъсир қиляпти.

Журналист Крэйг Хоупнинг маълум қилигича, “Ньюкасл” бу можаро ортидан иккига бўлинди. Бир гуруҳ ўйинчилар бу ҳолатда Александр Исаак томонини оляпти. Қолганлари  эса, клуб ҳужумчини қўйиб юбормай тўғри йўл тутди, деган фикрини илгари суряпти.

Экспертларнинг таъкидлашича, агар зиддият бартараф этилмаса, вазият жамоанинг натижаларига салбий таъсир ўтказиши мумкин.