Суперҳужумчи бир ўйинда гол уриш бўйича учта рекорд ўрнатди
- 19-феврал, 10:44
- Zohir Toshxo’jayev
- 0
- Футбол
Европа Чемпион лигасининг плей-оффидаги биринчи ўйинда “Ньюкасл Юнайтед” футболчилари Озарбайжонда “Қорабоғ” жамоаси билан куч синашиб, сафардан 1:6 ҳисобидаги ғалаба билан қайтди.
Англия клуби ҳужумчиси Энтони Гордон учрашувда тўртта гол уриб, клуб тарихида бир вақтнинг ўзида учта тўпурарлик рекордини ўрнатди.
Биринчи бўлимнинг ўзида покер қайд этган Гордон Чемпионлар лигаси тарихида 15 та гол билан “Ньюкасл”нинг энг яхши тўпурарига айланди.
Шунингдек, Гордон клуб сафида бир мавсумдаги энг кўп гол муаллифи бўлди (10 та гол). Бундан ташқари, Гордоннинг 122-сонияда киритган биринчи голи клуб тарихидаги энг тез гол сифатида қайд этилди.
“Ньюкасл” ва “Қорабоғ” ўртасидаги жавоб ўйини Англияда бўлиб ўтади. Учрашув 24 февраль, сешанба кунига режалаштирилган.