Супергол урган Файзуллаевнинг ўйини қандай баҳоланди? Футболчилар ва фанатлар Аббос ҳақида нималар деяпти?
- 30-сентябр 2024, 17:35
- Zohir Toshxo’jayev
- 0
- Футбол
Россия Премьер-лигасининг 10-турида ЦСКА ўз мухлислари кўз ўнгида “Ахмат” жамоаси футболчиларини 3:0 ҳисобида мағлубиятга учратди.
Ўйин қаҳрамони учта голдан иккитасида бевосита иштирок этган Аббосбек Файзуллаев бўлди. 20 ёшли ҳужумкор футболчимиз аввалига ҳисобни очди. “Армиячилар”нинг учинчи голида рақиб футболчиси Дарко Тодорович жарима майдончаси ичида Аббосбек билан кураш олиб бориб, тўпни ўз дарвозасига киритиб қўйди.
Жуда фаол ўйнаган Аббосбек Файзуллаев учрашувнинг энг яхши футболчиси соврини билан тақдирланди.
Учрашувдан кейин ЦСКА ҳимоячиси Данил Круговой ҳужумкор футболчи позициясида ўйнаётган Аббосбек Файззулаевнинг жамоа учун қандай аҳамиятга эга эканини айтиб ўтди.
- Файзуллаев урган биринчи гол ўйинда ҳаммасини ҳал қилиб берди, голдан кейин биз очилиб кетдик.
Аббосбекнинг ўзи шу пайтга қадар гол ура олмаётганидан хавотирга тушмаган. У жамоа учун жуда кўп тер тўкяпти.
Эртами, кечми барибир Аббос тўп киритадиган вазият юзага келарди. Бу гал гол уришни уддалади.
Файзуллаев голли паслари ва голларини иккинчи даражага қўяди, Аббос учун жамоавий ўйин ва ҳаракатлар муҳим ҳисобланади, - деди Данил Круговой.
Ижтимоий тармоқларда ЦСКА мухлислари ҳам ўзбек легионери ўйинига ўз муносабатини билдирмоқда.
Sports.uz портали ўзбекистонлик футбол ишқибозлари эътиборига ана шу фикр ва изоҳларни ҳавола этади.
Mikredarmy:
Аббосга гап йўқ!
Slava1973:
Аббос “Ахмат”га гол урди.
Nikolai230265:
ЦСКАнинг барча мухлисларини ғалаба, Файзуллаевни гол билан табриклайман. Бошқа ҳужумчилар ҳам гол уриши керак эди, бу гал ўхшамади.
Firemonster:
“Армиячилар” ишончли ғалаба қозонди. Файзуллаев ҳаммани хурсанд қилди. Рифатга тезроқ тузалишини тилаймиз.
Run1:
Шарҳловчи фақат Обляковни мақтади. Лекин энг зўри Файзуллаев эди.
Myfathers1:
ЦСКАга мухлислик қилдим. Худога шукр, Файзуллаев зўр ўйнаяпти.
Файзуллаев, ростини айт, нима бўлди?
Файзуллаев “ёндирди”: Аббосдан супергол! Миралем Пьянич, нима дейсан?
Италия чемпиони Файзуллаевга ёрдам беради...
Францияда ўзбек футболчисига эътибор қаратишди!