Супердарвозабон ҳам Саудияга кетадиган бўлди
- 28-январ 2024, 13:01
- Zohir Toshxo’jayev
- 2
- Футбол
“Манчестер Юнайтед” дарвозасини узоқ йиллар давомида ишончли қўриқлаб келган Давид де Хеа ўтган ёз шартномаси тугаб, эркин агентга айланганди.
Тажрибали дарвозабон ўзига янги жамоа тополмагани кўпчиликни ҳайратга солди. Давид ярим йилдан бери ишсиз юрибди.
Сўнгги маълумотларга қараганда, Давид де Хеа Саудия Арабистонининг “Аш-Шабаб” клуби билан келишувга эришди.
Аслида 33 ёшли голкиперда Европада қолиш учун таклифлар бор эди. Манчестерда 12 йил ўйнаган Давид Англия Премьер-лигасининг энг катта маош оладиган дарвозабони бўлган. Ҳафтасига 375 минг фунт олиб кўниккан де Хеа ўзига таклиф билан чиққан клублар билан айнан маош борасида келиша олмади.
Саудияликлар эса, Европада порлаган юлдузларни олиб келиш учун катта маош бермоқда. Хусусан, Давид де Хеа ҳам бундан мустасно эмас.