SPORTS.uz инсайди тасдиқланди! Иброҳимҳалил Йўлдошев водий клуби билан шартнома имзолади

Фарғонанинг "Нефтчи" клуби истеъдодли қанот ҳимоячиси Иброҳимҳалил Йўлдошевни ўз таркибига қўшиб олди. Бу ҳақда клуб матбуот хизмати расман хабар берди. 

"Йўлбарслар" чап қанот ҳимоячиси билан бир йиллик шартнома имзолади. У ўтган мавсумни Қозоғистоннинг "Қайрат" клубида ўтказганди. Трансфер ҳуқуқи "Нижний Новгород"га тегишли бўлган футболчи эркин агент мақомида Фарғона клубига келиб қўшилди. 

Қайд этиш лозим, аввалроқ сайтимизда унинг "Нефтчи"га ўтиши ҳақида инсайд хабар чиққанди. 

Маълумот учун, Йўлдошев 31 январь куни "Нефтчи"нинг Антальядаги ўқув-йиғин машғулотларига қўшилади.