SPORTS.uz Белград-2021: Шоҳжаҳон Абдуллаевнинг жанги иккинчи раундда якунланди

Сербиянинг Белград шаҳрида бокс бўйича эркаклар ўртасида жаҳон чемпионати бўлиб ўтмоқда.

Бугун, 27 октябрь куни мусобақанинг учинчи куни старт олди. Кун доирасидан бир нафар ҳамюртимизнинг жанги ўрин олган. 

Шоҳжаҳон Абдуллаев (-86 кг) бельгиялик Виктор Шельстритга қарши рингга кўтарилди. Ушбу жанг бошланди. 

Биринчи раунд. 

Бельгиялик боксчи дастлабки дақиқаларда яхши ҳаракат қилди. У ҳамюртимизни зарбаси билан қулатиб ҳисоб очилишига мажбур қилди.

Кейинроқ Шоҳжаҳон ўзида куч топди. Бироқ дастлабки раунд рақибининг фойдасига ишлади.

Иккинчи раунд.

Бу раундда вакилимиз ўнг қўлда зарбалар беришни уддалади. Бироқ уларнинг аниқлигига ҳакамларнинг қарори орқали билиб оламиз. Мана энди чап қўлда ҳам зарба бермоқда. Аниқлик бор. Иккинчи раундда Шоҳжаҳон мувозанатни тиклашга уринмоқда.

Афсуски, иккинчи раунднинг охирида Шоҳжаҳон нокаутга учради. Шу тариқа, Шоҳжаҳон жаҳон чемпионатидаги юришини илк босқичдаёқ якунлади.