SPORTS.uz Белград-2021. Абдумалик Халаков жаҳон чемпионатидаги кумуш медаль учун қанча маблағ ишлаб олди?
- 5-ноябр 2021, 23:00
- Bekzod Isayev
- 6
- Бокс
Сербиянинг Белград шаҳрида бокс бўйича эркаклар ўртасидаги жаҳон чемпионати секин-аста якунланмоқда. Мусобақада бугундан финаллар бошланди.
Ушбу босқичга ўзбекистонлик боксчилардан фақатгина бир нафари етиб келди холос. Бу Абдумалик Халаков.
Финалда ҳамюртимиз франциялик Софиане Оумиа билан рингга кўтарилди. Жангда вакилимиз мағлубиятга учраб, кумуш медални қўлга киритди.
AIBA расмий сайтида мусобақадан аввал соврин жамғармаси эълон қилинганди. Унга кўра кумуш медаль олган боксчи 50 минг АҚШ долларига эга бўлиши белгиланганди. Демак, Халаков шунча маблабга эга бўлди.
Аввалроқ, бронза медаль эгаси Мадияр Саидраҳимов 25 минг АҚШ долларини қўлга киритгани ҳақида маълум қилгандик.
Шу тариқа, Ўзбекистон бокс терма жамоаси Сербиянинг Белград шаҳридаги жаҳон чемпионатини битта бронза ва битта кумуш медали билан якунлади.