Спорт курашлари. Ўзбекистон терма жамоаси Осиё чемпионатининг 9 та медаль билан якунлади

Иорданиянинг Амман шаҳрида спорт курашлари бўйича U23 ёш тоифасидаги Осиё чемпионати ўз якунига етди. Мусобақанинг сўнгги кунида эркин кураш усталари ўртасида баҳс кечди.

Ўзбекистон Миллий Олимпия қўмитаси матбуот хизматининг маълум қилишича, мусобақанинг сўнгги кунида юртдошларимиз 2 тадан кумуш ва бронза медалларига сазовор бўлишди:

Кумуш медаль:
-61 кг: Беҳрузбей Туранмуратов
-125 кг: Намоз Абдурашидов

Бронза медаль:
-65 кг: Муҳаммадқодир Қўлдошев
-74 кг: Зафарбек Отахонов

Шу тариқа, Ўзбекистон терма жамоаси мазкур мусобақани 2 та олтин, 4 та кумуш ва 3 та бронза медаллари билан якунлади.