"Сўғдиёна" уч нафар футболчиси билан шартномани узайтирди

Бу йилги чемпионатни 8-ўринда якунлаган Жиззахнинг "Сўғдиёна" клуби уч нафар футболчиси билан келишувларни узайтирганлигини маълум қилди.

"Жорий мавсум "Сўғдиёна" сафида ҳаракат қилган ҳимоячилар - Зойир Жўрабоев,Ислом Қобилов ҳамда ярим ҳимоячи Сухроб Иззатов билан ўртадаги меҳнат шартномаси муддати 2026 йил охирига қадар узайтирилди.

Футболчиларга келаси мавсум жамоамиз сафида омад ва зафарлар тилаб қоламиз", - дейилади, клуб матбуот хизматининг хабарида.

Эслатиб ўтамиз, аввалроқ сербиялик дарвозабон Милан Митрович 7,5 йиллик фаолиятидан сўнг "Сўғдиёна" билан хайрлашганди.