Слот: "Салоҳ Африка миллатлар кубоги ҳақида ўйлаяпти"

"Ливерпуль" бош мураббийи Арне Слот Муҳаммад Салоҳ ҳақида фикр билдирди. Яқинда мисрлик футболчи таркибга киритилмагани юзасидан билдирилган танқидлар ортидан жамоанинг Чемпионлар лигасидаги ўйинини ўтказиб юборган эди.

— Ўтган ҳафта ҳам айтганман: амал сўзлардан баландроқ туради. Биз бу масалани ортимизда қолдирдик. Салоҳ ўтган ўйин учун рўйхатда бор эди ва мен амалга оширган биринчи алмаштириш айнан у бўлди. Олдинда уни Африка миллатлар кубоги ва катта ўйинлар кутяпти. Ҳозир у шу ҳақда ўйлаяпти, — деди Слот матбуот анжуманида.

Шанба куни мерсисайдликлар Англия чемпионати доирасида "Тоттенхэм"га қарши сафар ўйинини ўтказади. Учрашув Тошкент вақти билан соат 22:30'да бошланади.