“Сити” футболчисига яхши таклиф тушди
- 1-декабр 2025, 07:02
- Zohir Toshxo’jayev
- 0
- Футбол
“Манчестер Сити”нинг асосий таркибига кира олмаётган Кэлвин Филлипс мунтазам ўйин амалиётига эга бўлиши учун жамоасини алмаштиришига тўғри келади.
29 ёшли футболчига собиқ жамоаси “Лидс” жиддий қизиқиш билдирмоқда. Журналист Жереми Кросснинг хабар беришича, “Лидс” мутасаддилари Филлипсни мавсум охирига қадар ижарага олиш борасида манчестерликларга мурожаат қилган.
Шунга қарамай, харидор клуб вакиллари ярим ҳимоячининг тўлиқ маошини кўтара олмайди. Агар “шаҳарликлар” Келвиннинг ҳафтасига 285 фунтлик маошидан 250 минг фунтини тўлайдиган бўлса, “Лидс” собиқ ўйинчисини ижарага олиш имконига эга бўлади.
Филлипсга Европанинг бошқа топ-лигаларидан таклифлар бўлаётгани ҳам айтилмоқда.
“Манчестер Сити” Кэлвин Филлипсни 2022 йилнинг ёзтда 49 миллион еврога трансфер қилганди. Бироқ ярим ҳимоячи Хосеп Гвардиола ишончини етарли даражада оқлай олмади. Ҳозиргача, “шаҳарликлар” уни икки марта “Вест Хэм” ва “Ипсвич” жамоаларига ижарага жўнатган.
Transfermarkt портали экспертлари томонидан 10 миллион еврога баҳоланаётган Англия терма жамоасининг собиқ ўйинчиси 2028 йилнинг ярмигача давом этадиган шартномага эга.