Шуҳрат Мақсудов: "ВАРда ҳам ҳакамлар ўтирибди. Шу боис улар ҳақида гапирмайман, фойдаси йўқ"

Суперлиганинг 14-турида “Машъал” – “Бунёдкор” жамоалари ўртасидаги учрашувда 1:1 ҳисоби  қайд этилди. Учрашув якунланганидан кейин “Қалдирғочлар” устози Шуҳрат Мақсудов ўз фикрларини қуйидагича билдирди.

- Ўйин ҳақида нима дейсиз?

- Ҳамма кўрди, 1:1 бўлди. Ўйлайманки, бу ўйинни ютишга бизда кўпроқ имконият бўлганди. Аммо ғалаба қозониш учун яратилган имкониятлардан фойдаланиш керак. Нима қиламиз? Дурангга ҳам қониқиш ҳосил қиламиз.

- ВАР ҳақида фикрингиз қандай?

- Мен ҳакамлар ҳақида гапирмоқчи эмасман. ВАРда ҳам ҳакамлар ўтирибди. Шу боис улар тўғрисида умуман гапирмайман. Буни фойдаси йўқ. Бошқа савол бўлса беринглар, бўлмаса катта раҳмат.