Шомуродовнинг А Сериядаги дебют голи "Женоа"нинг очко олиши учун кифоя қилмади

Италия А Сериясининг 9-туридан ўрин олган "Женоа" - "Парма" учрашуви ўз якунига етди. Қизиқарли вазиятларга бой тарзда ўтган беллашувда меҳмонлар 2:1 ҳисобида зафар қучди. 

Эътиборлиси, ушбу баҳсда ҳамюртимиз Элдор Шомуродов асосий таркибда майдонга тушди ва 50-дақиқада А Сериядаги дебют голини урди. Бу билан у Италия чемпионатида гол урган илк ўзбек футболчисига айланди. Ўйиннинг 69-дақиқасида ватандошимиз захирага олинди. 

Элдор гол ургунига қадар меҳмонлар етакчиси Жервиньо 2 маротаба мезбонлар дарвозасини ишғол қиланди. Якунда, ўша дубль меҳмонларга ғалаба келтирди. 

Учрашув якунлангач, "Женоа" 5 очко билан 19-поғонада қолди. "Парма" очколари сонини 9 тага етказиб, 16-поғонага кўтарилиб олди. 

{online}3429041{/online}