Шомуродов "Специя"ни А Серияда олиб қолиш учун борини берди. Бироқ...

А Серияда қолиш ўйинда "Специя" ҳамда "Верона" ўзаро куч синашди. Унда ҳамюртимиз Элдор Шомуродов тўп тепаётган специяликлар рақибга 1:3 ҳисобида имкониятни бой бериб қўйди. 

Легионеримиз жамоадоши Ампадунинг голига ассист вазифасини бажарди. Шунингдек, 68-дақиқада пенальти ишлади ва рақиб футболчисини қизил карточка олишга мажбур қилди. Бироқ Нзола Элдор ишлаган пенальтини голга айлантира олмади. 

Шу тариқа, "Специя" А Серияни тарк этди. 

Кечаги беллашувда ҳамюртимизнинг хатти-ҳаракатлари "SofaScore" портали томонидан 7.1 баллга лойиқ кўрилди. "Специя" таркибида ундан фақатгина Ампаду баландроқ балл тўплади - 7.3. 

Қуйида барча футболчиларга қўйилган баллар билан танишиб чиқишингиз мумкин.