Шомуродов Саудияга бормади, сабаби...

“Спартак” таклифи ва Элдор Шомуродовнинг рад жавоби ҳақидаги муҳокамаларга Москва клубида ўйнаган юртимизнинг энг моҳир тўпурарларидан бири Жаъфар Ирисметов ҳам қўшилди.

Ирисметов журналист Анар Ибрагимов билан суҳбатда Италиядаги ўзбек ҳужумчисининг фаолиятини қисқача таҳлил қилиб ўтди.

- Шомуродов ҳали Европада ўйнамоқчи. Элдорда Саудия Арабистонида ўйнаши учун яхши вариантлар бор эди. Саудия Арабистонига бормадими, демак Италияда қолишни истаяпти.

Клублар номини билмайман, лекин икки-учтаси Шомуродовга қизиқиш билдирган. Элдорга Осиёнинг бошқа мамлакатларидан ҳам таклифлар кўп. Лекин унинг ўзи ҳали Европада тўп тепишни мақсад қилган.

“Спартак”да ўйин услуби жиҳатидан Шомуродовга ўхшаган ўйинчи Александр Соболев бор. Шу маънода, Шомуродов “Спартак”га нега керак, бунисини билмайман.

“Спартак”га мослашиш ҳозир анча осон. Авваллари (2001 йили Ирисметов “Спартак”да ўйнаган) ҳар қандай ўйинчини ҳам қабул қилишмас эди. Чунки “Спартак”нинг ўзига хос мураккаб ўйин усули бор эди.

Шомуродовга мослашиш осон бўлади, чунки Россия футболини яхши билади. Лекин танловни унинг ўзи қилиши керак, - деди Жаъфар Ирисметов.

Жаъфар Ирисметов Ўзбекистон футбол тарихидаги энг зўр ҳужумчилардан. У профессионал фаолиятини 1993 йили Тошкент вилоятининг “Дўстлик” жамоасида бошлаган.

Ирисметов турли даврларда Ўзбекистон чемпионатида “Дўстлик”, “Пахтакор”, “Динамо Самарқанд”, “Шўртан”, “Қизилқум”, “Навбаҳор”  жамоалари шарафини ҳимоя қилди.

Бундан ташқари легионер сифатида Грециянинг “Панатинаикос”, Россиянинг “Спартак”, “Черноморец”, “Анжи”, Украинанинг “Кривбасс”, Хитойнинг “Ляонинг Хунёнг”, Қозоғистоннинг “Қайрат”, “Олма-ота”, “Актобе” жамоаларида тўп тепди.

Ирисметов илк чемпионлигига 2000 йили “Дўстлик” таркибида эришди. Ўшанда моҳир ҳужумчи 37 та учрашувда рақиблар дарвозасини 45 маротаба ишғол қилиб, бир мавсумда энг кўп гол уриш бўйича мамлакат рекордини ўрнатган эди. Бу кўрсаткични ҳозиргача ҳеч бир футболчи янгилай олгани йўқ.

Ирисметов Тошкент вилояти жамоаси сафида Ўзбекистон кубогини ҳам қўлга киритган. Бошқа жамоалардаги фаолиятида ҳам Жаъфар кўп бора турли совринларга эга чиқди. Хусусан, “Спартак”да Россия, “Пахтакор”да Ўзбекистон, “Қайрат”да Қозоғистон юқори дивизионлари чемпиони бўлди. “Олма-ота” жамоаси билан бирга қўшни мамлакат кубоги соҳибига айланди.

Моҳир ҳужумчимиз фаолияти давомида уч маротаба Ўзбекистон ва икки марта Қозоғистон чемпионатларида энг яхши тўпурар бўлди.

Жаъфар Ирисметов Ўзбекистон миллий терма жамоаси сафида 1997 – 2007 йиллар давомида 36 маротаба майдонга тушиб, рақиблар дарвозасини 15 маротаба ишғол қилган.

Зейтуллаев Шомуродовга “тўғри йўл”ни кўрсатиб юборди!

Шомуродов Премьер-лига клуби таклифини рад этди. Мухлислар қандай фикрда?

Легионеримиз испаниялик устозига қаттиқ ишоняпти!

Легионеримиз кетиш сабаби ва қозоқ футболи камчилигини айтиб кетди!